లోకేష్ కనకరాజ్ హీరోగా మారనున్నారా?
కూలీతో పాన్-ఇండియా క్రేజ్ – రజనీకాంత్ తో కలయిక
లోకేష్ కనకరాజ్ ఈ తరం అత్యంత ప్రభావవంతమైన దర్శకుల్లో ఒకరు. మానగరం, ఖైదీ, మాస్టర్, విక్రమ్, లియో వంటి హిట్ చిత్రాలతో ప్రేక్షకుల్లో ప్రత్యేక గుర్తింపు తెచ్చుకున్న ఆయన ప్రస్తుతం రజనీకాంత్‌తో కూలీ అనే భారీ ప్రాజెక్ట్‌ను తెరకెక్కిస్తున్నారు. ఈ చిత్రం మీద ఇప్పటికే భారీ అంచనాలు ఉన్నాయి. వంద రోజుల్లో థియేటర్లలోకి రావాలని యూనిట్ లక్ష్యంగా పెట్టుకుంది.
ఖైదీ 2, విక్రమ్ 2 – ఎల్బీ సీట్లో మరిన్ని ప్రాజెక్టులు
కూలీ సినిమా పూర్తి అయిన వెంటనే కార్తీతో ఖైదీ 2 సినిమా స్టార్ట్ చేయనున్నట్లు లోకేష్ స్వయంగా ప్రకటించారు. అదే విధంగా సూర్య రోలెక్స్ పాత్రను మరింత విస్తరించేందుకు రోలెక్స్ అనే సినిమా కూడా ప్లాన్ చేస్తున్నారు. మరోవైపు కమల్ హాసన్‌తో విక్రమ్ 2 అనే ప్రాజెక్ట్ పై కూడా చర్చలు జరుగుతున్నట్లు సమాచారం. అంటే దర్శకుడిగా లోకేష్ పూర్తిగా బిజీగా ఉన్నాడు.
లోకేష్ హీరో అవుతారా? కోలీవుడ్‌లో టాక్‌
ఈ భారీ ప్రాజెక్టుల మధ్యలో ఓ సరికొత్త వార్త కోలీవుడ్‌ను కుదిపేస్తోంది. అదే – లోకేష్ కనకరాజ్ త్వరలో హీరోగా మారనున్నాడట. ‘కెప్టెన్ మిల్లర్’ దర్శకుడు అరుణ్ మాతేశ్వరణ్ కథను చెప్పగా, లోకేష్ ఆసక్తిగా వినడంతో వెంటనే ఓకే చెప్పేశారట. ఇది పూర్తిస్థాయి కమర్షియల్ డ్రామా కాకుండా, విలక్షణమైన పాత్రలో లోకేష్ కనిపించనున్నట్టు సమాచారం.
మ్యూజిక్ ఆల్బమ్‌లో మెరిసిన లోకేష్
ఇది అతని నటనా ప్రయాణానికి మొదటిఅయిన విషయం కాదు. శృతి హాసన్‌తో చేసిన ఓ ప్రైవేట్ మ్యూజిక్ ఆల్బమ్‌లో లోకేష్ నటన, స్క్రీన్ ప్రెజెన్స్ ప్రేక్షకులను ఆకట్టుకుంది. అప్పటినుంచే లోకేష్‌లో హీరోలుక్ ఉందంటూ అభిమానులు కామెంట్లు చేస్తున్నారు. ఇప్పుడు అది నిజమవుతోందా? అనే ఉత్కంఠ నెలకొంది.