కాలువ పూడ్చి కారు పార్కింగ్ – ప్రజా మార్గాల్లో ఆస్తి స్వార్థం
స్వాతంత్య్రనగర్‌లో ప్రజా మార్గాలను ఆక్రమించే పద్ధతి
తిరుపతి కలెక్టర్ బంగ్లా మధ్యలోని స్వాతంత్య్రనగర్‌కు వెళ్లే ఇరుకైన మార్గం ప్రస్తుతం అక్రమ నిర్మాణాల వల్ల పూర్తిగా నానాజీర్ణంగా మారింది. ఈ మార్గంలో రెండు ఆటోలు కూడ కలిసి వెళ్లే వీలుకానిది. కానీ తాజాగా జరిగిన ఓ అభివృద్ధి చర్య పేరుతో మురుగు కాలువను పూడ్చడం తీవ్ర విమర్శలకు గురవుతోంది.
కాలువ పూడ్చి పార్కింగ్ స్థలం తయారీ
ప్రధాన రహదారిపై నిర్మించబడిన ఓ భవనం పక్కన కొంత స్థలాన్ని కారు పార్కింగ్ కోసం వదిలిపెట్టారు. అయితే రహదారి మరియు పార్కింగ్ స్థలానికి మధ్య ఉన్న మురుగు కాలువను పూర్తిగా పూడ్చివేశారు. ఈ చర్యతో ఆ ప్రాంతంలో మురుగునీటి ప్రవాహం నిలిచిపోయే ప్రమాదం ఉంది. అంతేకాదు, కాలువ రెండు వైపులా కూడా పూర్తిగా కనుమరుగవడం మరింత ఆందోళన కలిగిస్తోంది.
పరిసర ప్రాంత వాసుల ఆగ్రహం
ప్రజలు ఈ చర్యపై తీవ్ర అసంతృప్తి వ్యక్తం చేస్తున్నారు. “ఇప్పటికే ఇక్కడ రోడ్లు ఇరుకుగా ఉన్నాయి. ఇప్పుడు కాలువను పూడ్చి పార్కింగ్ చేయడం వల్ల వాహనాల రాకపోకలు ఇంకా క్లిష్టం అవుతున్నాయి” అని స్థానికులు ఆగ్రహిస్తున్నారు. మురుగునీరు నిలిచిపోయి ఆరోగ్య సమస్యలు ఏర్పడే అవకాశమూ ఉన్నదని వారు హెచ్చరిస్తున్నారు.
మునిసిపల్ అధికారుల చర్య అవసరం
ఈ అక్రమ చర్యపై మునిసిపల్ అధికారులు వెంటనే స్పందించి పరిశీలించాల్సిన అవసరం ఉంది. పబ్లిక్ ప్రాపర్టీగా ఉన్న కాలువలను ఆక్రమించడం ప్రజా హక్కులను కాలరాస్తున్న చర్యగా పరిగణించాలి. పారిశుద్ధ్యానికి మరియు ట్రాఫిక్‌కు ఇలాంటి అక్రమ నిర్మాణాలు తీవ్రంగా అడ్డంకి కావడాన్ని అధికారులు గమనించాల్సిన అవసరం ఉంది.