మణిరత్నం డైరెక్షన్‌లో కమల్ హాసన్, శింబు, త్రిష నటించిన ‘థగ్ లైఫ్’ సినిమాపై భారీ అంచనాలే నెలకొన్నాయి.
‘నాయగన్’ తర్వాత మళ్లీ కమల్ హాసన్‌తో మణిరత్నం చేసిన సినిమా కావడం, శింబుతో పవర్‌పుల్ స్క్రీన్ క్లాష్, త్రిష రీ యూనియన్ వంటి అంశాలు ప్రేక్షకుల ఆసక్తిని రేకెత్తించాయి. అయితే సినిమా చూసిన తర్వాత ఆ అంచనాలు నిలిచాయా? అన్నది ప్రశ్నగా మిగిలింది.
థగ్ లైఫ్ కథ ఓ పాత ఫార్ములాపై ఆధారపడిన గ్యాంగ్ స్టర్ డ్రామా. రంగరాయ శక్తిరాజు (కమల్ హాసన్) తన గ్యాంగ్‌ను నడుపుతుండగా, ఓ సంఘటనలో అమర్ (శింబు) అనే యువకుడిని తన దత్తపుత్రుడిలా పెంచుతాడు. కాలక్రమంలో శక్తిరాజుకే అమర్ తిరుగుబాటు చేస్తాడు. ఈ కాంట్లిక్ట్ చుట్టూ కథ తిరుగుతుంది. అయితే ఈ కోర్ పాయింట్ చాలా సినిమాల్లో చూశామని ప్రేక్షకులు అనిపించుకోవచ్చు.
మణిరత్నం usual స్టైల్‌లో విజువల్స్ బాగా ఉన్నాయి. రెహమాన్ సంగీతం, రవివర్మ సినిమాటోగ్రఫీ టెక్నికల్ గానూ సినిమా గ్రాండ్‌గా ఉంటుంది. కానీ అసలు సమస్య స్క్రీన్‌ప్లేలో ఉంది. పాత్రల మధ్య బలమైన ఎమోషనల్ కనెక్షన్ లేకపోవడం, ముఖ్యంగా కమల్ – శింబు మధ్య ఉన్న బాండ్‌ను ఆకట్టుకునేలా చూపించకపోవడం పెద్ద లోపం. త్రిష పాత్రకు విపరీతంగా హైప్ ఇచ్చినా, స్క్రీన్ టైమ్ పరంగా మిన్నిమొర్రే. అభిరామి పాత్రలో మాత్రం కాస్త ఎమోషన్ ఉంది.
ఫస్ట్ హాఫ్ స్లోగా సాగి, ఒక హైపాయింట్ లేకుండానే పాస్ అయిపోతుంది. సెకండాఫ్‌లో మెరుగైన డెవలప్‌మెంట్ ఉండవలసిన సమయంలో కూడా దారితప్పినట్టు అనిపిస్తుంది. కమల్ హాసన్, శింబు యాక్టింగ్ మంచి స్టాండర్డ్‌లో ఉన్నా, స్క్రిప్ట్ బలం లేకపోవడం వలన చాలా సందర్భాల్లో ఎఫెక్ట్ పడుతుంది.
మొత్తానికి చెప్పాలంటే, థగ్ లైఫ్ టెక్నికల్‌గా మెరుపులు మెరిపించినా, కథలో కొత్తదనం లేకపోవడం, పాత్రల మధ్య బలమైన డ్రామా లేకపోవడం వల్ల ప్రేక్షకులను పెద్దగా కట్టిపడేయలేకపోయింది. మణిరత్నం మ్యాజిక్ ఈసారి సగం మాత్రమే పని చేసినట్టుగా అనిపిస్తుంది.